Марий Эл курымаш лӱмгечыжлан ямдылалтеш. Марий автономийлан 100 ийжылан Россий Президент Владимир Путинын Указше дене федерал кӱкшытыштӧ ямдылалтме. Тений республикыште лӱмгечылан пӧлеклалтше акций, выставке, концерт, шанче конференций-влак эртат. Юбилейлан ятыр историй шотан объектым реставрироватленыт, марий классик-влакын произведенийыштым чумырымо антологий, историй книгам луктыныт. Лӱмгечылан пӧлеклалтше тӱҥ мероприятий Республикын кечынже 4 ноябрьыште эрта, а декабрь тылзыште Москваште кугу пайрем концерт лиеш. Кодшо кечылаште гын, Федераций Советыште Республикын курымаш лӱмгечыжлан пӧлеклалтше фотоончер почылтын.
Комментариев: 0