Звенигово олаште «Водник» стадион воктене тазалык аллейым почыныт
Тудым российысе конкурсышто сеҥыме проект дене ыштеныт. Тиде проект дене биатлонист-влаклан ямдылалташ трассым, тыгак канаш кумдыкым чоҥеныт. Тидын годым улшо коремым тӱзатеныт, тудын йыр тротуарым, арт-объект дене пирсым ыштеныт. Тыгак «Чодыра площадкым» йӧнештарыме тушто чайный павильон, йоча да спорт площадке, канаш ӱстел, таҥасымашым ончаш монитор-влак улыт. Тидын дене пырля 1 километрат 300 метр кужытышто ече роллер трассым да стрельбищым келыштареныт, тротуарым ыштеныт да тудым волгалтареныт, теҥгыл-влак улыт. Тыге проектым илышыш пуртымеке, Звенигово олаште илыше-влакын эше ик сылне вер ешаралтын. Тушто ыштыме пашам регион вуйлатыше Юрий Зайцев аклен.
Звенигово районышто лиймыже годым вуйлатыше йоча сымыктыш школ дене палыме лийын. Тудым 1961 ийыште ыштеныт, 2011 ий гыч тудо 3 пачашан зданийыште верлана. Тений тудым «Еш» нацпроект дене тӧрленыт, пашам июльышто мучашленыт. Тудын годым кабинетлаште кӱварым алмаштеныт, икымше пачашыште пырдыжым тӧрленыт, эшежым зданийым тазалык дене эмганыше-влаклан келыштареныт. Йоча сымыктыш школышто 300 утла икшыве тунемеш.
Звенигово районышто лиймыже годым вуйлатыше йоча сымыктыш школ дене палыме лийын. Тудым 1961 ийыште ыштеныт, 2011 ий гыч тудо 3 пачашан зданийыште верлана. Тений тудым «Еш» нацпроект дене тӧрленыт, пашам июльышто мучашленыт. Тудын годым кабинетлаште кӱварым алмаштеныт, икымше пачашыште пырдыжым тӧрленыт, эшежым зданийым тазалык дене эмганыше-влаклан келыштареныт. Йоча сымыктыш школышто 300 утла икшыве тунемеш.
