Тений шуко пачеран 80 пӧртым капитально тӧрленыт

Идалык мучаш марте эше 15 пӧртым уэмден шуктат. Тений чылаже 95 пӧртыштӧ пашам ыштат, тидлан 846 миллион теҥге ойыралтын. Нине пӧртла гыч 72-штыжо инженер сетьым, 79 пӧртыштӧ леведышым, 15 фасадым да моло пашам шуктеныт.
Мутлан, Йошкар-Оласе Чехов уремысе 58-ше номеран пӧртыштӧ леведышым капитально тӧрленыт.

Марий Элын Вуйлатышыже Юрий Зайцев социал воткыл лаштыкыштыже возен, республикыште шуко пачеран пӧрт-влакым капитально тӧрлымӧ программым 2026-2028 ийлан пенгыдемденыт. Тудо – 2052 ий марте келыштарыме кугу программын ужашыже. Тушко Йошкар-Ола, Волжск, Козьмодемьянск да республикын моло районжо-влакым пуртеныт.