Воин Чап монумент да Курымашлык тул аллей воктене 3-4 метр кужытан пушеҥгым шындат. Нуным питомник гыч конденыт. Специалист-влак палдарат: жаплан толшо йӱштӧ пушеҥгылан лӱдыкшӧ огыл, молан манаш гын, пушеҥгын вожшо мландыште.

Ушештарена, тений октябрьыште Рӱдӧ паркыште тошто кож-влакым руэныт. Специалист-влакын палдарымышт почеш нуно черланеныт, тыгак кушкылым тӱрлӧ копшаҥге пытарен. Нунын олмеш 3 метр кӱкшытан кожым шындат. М.Шкетан лӱмеш Марий кугыжаныш драме театр воктенат кож-влакым алмашташ тӱҥалыт. Туштат тошто пушеҥгым пӱчкедат.