Советский районысо «Кугезе кумыл» фольклор ансмабьлан калык лӱмым пуэныт
Тиде коллективым Марий Эл тӱвыран сулло пашаеҥже Галина Щербакова чумырен да кызытсе жап марте устан да чолган вуйлата. Калык лӱм – ансамбльын 25 ияш лӱмгечыжлан пӧлек. Тиде кас кугарнян районысо тӱвыра пӧртыштӧ эртен. Ансамбльым да уна-влакым Марий Эл Кугыжаныш Погын Председательын икымше алмаштышыже Лариса Яковлева, тыгак Советский район администраций вуйлатыше Евгений Пушкин, Советский, Звенигово, Кужэҥер районла гыч усталык коллектив-влак саламленыт. Евгений Александандрович ансмабльлан гармоньым, Лариса Николаевна у тӱмырым пӧлекленыт.
