Самырык-влакын полатыштышт олмыктымо паша мучашке лишемын. Пытартыш кок тылзе жапыште тыште леведышым ачаленыт. Ик тӱжемат 500 квадрат метран кумдыкышто шартышым, вӱдым погышо да тудым йоктарыше воронка-влакым вашталтеныт, карнизымат алмаштеныт. Олмыктымо пашалан шийвундым «кугыжаныш услугылан субсидийым ойырымаш» программе почеш пуэныт. Ты полатын леведышыже шукертак тоштемын, тувыраш гыч вӱд чӱчкыдынак чыпчен. Ынде тиде зданийыште пашам ыштыше самырык-влакын ушемыштлан, волонтёр да моло организаций—влаклан йӧнанрак лиеш. Тиде зданийыште тӱрлӧ проект-влак шочыт да илышыш шыҥдаралтыт. Йоча-влакым патриот кумыллан шӱмаҥдат. Идалык мучко самырык-влакын полатыштышт 850 утла мероприятий эрта. Уна-влакынат чотышт кугу.
Комментариев: 0