Россий Правительстве Председатальын алмаштышыже Дмитрий Чернышенко совещанийым эртарен. Тушто туныктымаш сферын кодшо ийысе пашажым иктешленыт да тенийлан планым радамленыт.

Мемнан республикыште туныктымо 16 организацийын зданийжым тӧрленыт. Тиде 2 йочасад, 4 техникум да школын 10 зданийже. Тидын дене пырля 187 школлан оборудованийым налыныт, йоча лагерьыште 2 корпусым чоҥеныт, тыгак производственный 2 кластерым ыштеныт.
Тений «Молодежь и дети» нацпроект дене 16 школ да колледж-влакын 4 зданийыштым тӧрлат. «Еш» нацпроект дене 5 йочасадым уэмдат. Подрядчик дене контрактым пеҥгыдемдыме.