Йошкар-Олаште йоча-влаклан икымше тӱвыра-просветительский рӱдер почылтын.
Тудым Калыкле тӱссымыктыш галерейыште ыштеныт. Рӱдерым тӧрленыт, у мебель да оборудованийым налыныт. Тиде ынде выставкым эртараш вер веле огыл, самырык-влакын усталыкыштлан, пырля мутланаш да вашлияш келыштарыме вер. Рӱдерым ышташ 54 миллион теҥге ойыралтын. 50 икшывылан пырля лияш лекторий уло, тушто сӱретче-влак дене вашлияш, кином ончыкташ, каҥашаш, мастарлык классыш ушнаш тӱҥалыт. Рӱдерым у оборудований дене пойдареныт: тушто мобильный смарт-телевизор, проектор, экран да акустический системе уло. Тиде верым «Еш» нацпроект дене келшышын ыштеныт.