16:37, 1-12-2020Кажне кечын эмлымверлашке 100 утла еҥ коронавирус але пневмоний дене логалеш

Кажне кечын эмлымверлашке 100 утла еҥ коронавирус але пневмоний дене логалеш. Эртыше суткаште республикыште 140 еҥым стационарышке пыштеныт гын, 165 еҥым эмлалтмеке, мӧҥгышт колтеныт. 10 стационарыште 1 тӱжемат 159 еҥ эмлалтеш, 366 еҥын коронавирус. 200 наре еҥ нелын черле. Пытартыш суткаште тиде черлан кӧра ик еҥын ӱмыржӧ кӱрылтын, 51 еҥын тиде вирусым пеҥгыдемденыт. 1 декабрьлан республикыште черланыше-влакын чотышт 7600 эртен,  93 еҥ колен.