Йошкар-Олаште эше ик у йочсад икшыве-влакым вашлиеш. Кугу Ачамланде сарыште Сеҥымашлан 70 ий темме лӱмеш бульварыште «Теплые ладошки» лӱман 320 веран йочасадым почыныт. У объектым «Демографий» нацпроект дене ыштыме. Тидлан 206 миллион теҥге ойыралтын. У йочасад чыла шотыштат йӧнан, зданий кӧргыштӧ да оралтын тӱжвал могыржо гыч видеокамере-влак улыт, пожар нерген шижтарыше сигнализацийым келыштарыме, пурымаште электрон замок-влак. Группылаште у мотор мебель. Музыкальный зал да пищеблокышто кызытсе саманлан келшыше оборудований. Кажне группышто интерактивный доска, интернет уло. У йочасадым регион вуйлатыше Александр Евстифеев да олан мэрже Евгений Маслов онченыт. Регион вуйлатыше ача-ава, йоча-влакым саламлен, да палемден: рӱдолаште «9В» микрорайонышто у йочасадым лишыл жапыште почыт. Тыгак оласе вес микрорайонлаште йоча-влаклан тӧнежым чоҥаш мландым ямдылат. Регион вуйлатыше Семеновко селаште лийын, тушто улшо верым ончен. 10 тӱжем квадрат метр кумдыкышто 825 верлан у школ да 320 верлан у йочасад лийын кертыт.
Комментариев: 0