15:51, 2-03-2021Сонарзе-влакын писылыкыштым тергат

Сонарзе-влакын писылыкыштым тергат. 6 мартыште Медведево районысо Песчаный поселкышто сонар биатлон дене регион кокласе турнир лиеш. Тушко районлаште сеҥышыш лекше 30 наре команде чумырга, чылаже 100 утла сонарзе таҥасаш тӱҥалеш. Марий Элыш Киров, Угарман кундемла гыч сонарзе-влак толыт. Тений икымше гана сонар биатлоныш ӱдырамаш команде-влак ушнат.