Похожие новости
Мы рекомендуем Вам зарегистрироваться либо войти на сайт под своим именем.
Марий Эл вуйлатыше Александр Евстифеев Юл кундемысе федерал округышто Россий президентын ӱшаеҥже Игорь Комаров дене эртарыме совещанийышке ушнен. Тушто ятыр йодышым каҥашеныт: тиде йӱклымашлан ямдылалтмаш, самырык-влакын политикышт шотышто, национальный проект-влакым илышышке пуртымо, школлаште шокшо кочкыш да молат. Видеоконференцийыште коронавирус нергенат ойленыт. 2020 ий мучаш дене таҥастарен ончалаш гын, регионлаште черланыше-влакын чотышт 47 процентлан шагалемын. Полпред палемден: кундемласе стационарлаште койко вер-влакым иканаште огыл, а жап дене келшышын кораҥдыман, тыгак тӱшка вакцинаций нергенат ойленыт. Марий Элыште кокла шот дене пытартыш жапыште кажне кечын 26 еҥлан коронавирус диагнозым шындат.
Совещанийыште национальный проект-влак нерген ойленыт. 2019-2020 ийлаште регионышто нунын дене келшышын, 219 кумдыкым шотышко конденыт, 277 километр корным капитально тӧрленыт, яллаште 7 тӱвыра пӧртым тӱрыс ачаленыт, онкологий, шӱм-вӱргорно, йоча здравоохраненийлан 158 единице оборудованийым налыныт. Тений национальный проект-влак дене 21 объектым чоҥышаш улыт.
Комментариев: 0