Россий Президент кугу тӱткышым здравоохраненийын вияҥмыжлан, демографийым саемдымылан ойырен. Республикыште тиде паша шукталтеш, тений перинатальный рӱдерым чоҥат, тудым вес ийын ыштен шуктышаш улыт, Волжскышто азам ыштыме отделений лиеш, поликлинике-влак «аныклыме» радамышке куснат. Марий Элыште школ да йочасад-влакым нӧлтат. Вашталтыш-влак образований сферыштат лийыт. Владимир Путин посланийыште палемден: кӱшыл тунемме верлаште бюджет вер-влак шукемыт, республикысе вузлаште тыгак кокымшо ий бюджет вер-влак ешаралтыт. Элын вуйлатышыже регион-влакын коммерческий кредит-влакым кугыжаныш кредит дене петырыме да тидын дене кугыжаныш парымыштым шагалемдыме нерген ойлен. 2017 ий гыч республикын парымже ик миллиардат 600 миллион теҥгелан шагаламын.
Комментариев: 0