Марий Элыште федерал адресный инвестиционный программым илышышке пуртымым онченыт. Тиде темым регион вуйлатыше видеоконференций йӧн полшымо дене Россий правительстве председательын алмаштышыже Марат Хуснуллин дене каҥашен. Федерал программе дене республикыште Перинатальный рӱдерым чоҥат, тудым вес ийын ыштен шуктышаш улыт. Финансированийын тичмаш кугытшо 1 миллиард 600 миллион тенге. Программе дене Красностекловарский психоневролгий интернатын у корпусшым чоҥен шуктеныт, федерал кугорнылам волгыдыракым ыштат, яллысе кундемым тӱзатыме 54 проект илышышыке пура. Тидын дене пырля республикыште илыше вич тӱжем утла еҥ яндаррак вӱдым йӱаш тӱҥалеш. Тидыже Медведево районышто вӱдым пуышо системын реконструкцийжым ыштымеке, лиеш. Проект 5 кундемым авалта. Тудым илышышке пурташ 67 миллион теҥгем ойырат. Вес ий кеҥежым тудым ыштен шуктышаш улыт.
Комментариев: 0