14:24, 27-04-2021Самырык-влак элым аралаш каеныт

Йошкар-Ола гыч Россий вооруженный вийышке кайыше призывник-влакым ужатеныт. 24 самырык ен Касвел Сарзе округышто службым эрташ тӱҥалыт. Воин чап монумент воктене рвезе-влаклан мэр Евгений Маслов, рӱдоласе сарзе комиссар Игорь Артизанов сугыньмутым ойленыт. Ты марте Волжский район гыч 7 самырык рвезым ужатеныт. Шошо призыв жапыште армийышке Марий Эл гыч 700 самырык рвезе кая, призыв кампаний 15 июль марте шуйна.