Республикын районлаштыже уста чолга самырык-влаклан район администрацийын грантшым кучыктат. Килемар районышто сеҥыше-влакым икмыняр номинаций дене саламленыт. Спортышто кӱкшытышкӧ шумо дене Николай Савин ойыртемалтын, шанче-техник усталык шотышто Килемар школын тунемшыже Светлана Паймаковам саламленыт, «Художественный усталык» номинацийыште Ксения Костерина ончылно лийын. Ӱдыр рвезе-влаклан почетан грамото да окса пӧлекым кучыктеныт. Ешарыман, Волжский районыштат самырык-влаклан район администрацийын грантшым кучыктымо шотышто районысо администраций увертара.
Комментариев: 0