Похожие новости
Мы рекомендуем Вам зарегистрироваться либо войти на сайт под своим именем.
Рӱдӧ олаште илыше мошенник-влакым ик миллионат 700 тӱжем теҥгелан пойдарен. 39 ияш ӱдырамаш вигак огыл гынат, ондалыше-влаклан ныл кредитым налын пуэн. Мартыште ӱдырамашлан пуйто банкын сотрудникше йынгыртен да тудын лӱмеш кредитым налаш тыршыме нерген ойлен. Ӱдырамаш кокытеланаш тӱҥалын да трубкам пыштен. Аферист-влаклан тиде чаракым ыштен огыл, нуно вес номер гыч йыҥгыртеныт да спецслужбо сотрудник семын шкеныштым ойленыт. Тиде гана ӱдырамаш ныл банкыште чылаже 1 миллионат 745 тӱжем теҥгелан кредитым налын. Преступник-влак тудлан кредитым тӱлен пытарыме нерген «шояк» документымат колтеныт. Банкла гыч парымым пӧртылташ кӱлмӧ нерген увер-влак пураш тӱҥалмеке, ӱдырамаш ондалалтмыжым умылен. Мошенничество факт дене уголовный пашам тарватеныт. Тидын нерген МВД-ын пресс-службыжо увертара.
Комментариев: 0