«Марий подкогыльо» – калык кочкыш семын патентым налын. Ик кафен озаже кок ий тиде пашам виктарен. Патентым налаш рестораторлан подкогыльын ойыртемже нерген палдараш кӱлын. Кажне калыкын тыгай сынан кочкышыжо уло, тидын радамыште: Грузийыште – хинкали, руш да коми кочкышышто – пельмень, рӱдӧ азийыште – манты, японийыште – гёдза. Марий-влакын – подкогыльо. Тудым торык, шыл, пучымыш, ковышта, тыгак емыж дене ыштат. Когыльо тӱрым марий ӱдырамаш тӱрла. Калыкыште ойлат: когыльо тӱр мыняр мотор да чатка, тунар озавате шке пашажым кӱлын шукта. Ешарыман, марий подкогыльо «Российын тамже-влак» регионысо бренд-влак коклаште ончыкталтын. Тыгак подкогыльлан рӱдӧ олаште ик кафе воктене чапкӱ уло.
Комментариев: 0