Марий Элыште Россий Президентын Федерал Собранийлан посланийже шотышто пашам шуктымо планым пеҥгыдемденыт. Комплексный планышке 11 тӱрлӧ виктыш дене мероприятий-влак пуреныт. Тидын радамыште республикысе онкологий диспансерын поликлиникыжым, Йошкар-Оласе 2-шо номеран йоча поликлиникым да Юрино поселекышто поликлиникым чоҥымаш. Образований сферыште Йошкар-Олаште, Козьмодемьянскыште, Медведево ден Килемар районлаште вич школым нӧлтымӧ проект-влак конкурсышко ушнат. Кундемысе тунемме вер-влаклан школ автобусым налыт, тыгак классым вуйлатымылан выплате-влакым тӱлат. Пашадымылыкым шагалемдаш идалык жапыште 8 тӱжем утла еҥлан полшышаш улыт: нунылан профессионал шинчымашым налаш йӧн ышталтеш, тыгак социал полыш темлалтеш. Изирак да кокла бизнес, туризм, яллашке газым пуртымо йодыш-влакат комплексный планышке пурталтыныт. 2021-2025 ийлаште тидлан 15 миллиард тенге ойыралтеш, тений ныл миллиард утларак.
Комментариев: 0