20:03, 22-06-2021«Марий Эл ТВ»: В колонии-поселении №7 УФСИН России по РМЭ открылся цех по переработке свежих овощей

Марий Элыште Российысе УФСИН-ын 7-ше номеран колоний-поселенийыштыже пакчасаскам перерабатыватлыше цехым почыныт. Тудо Медведевский район Светлый посёлкышто верлана. Тушто мариноватлыме ковыштам, шоганым, ковышта шӱр ден борщлан заправкым ыштат. Консервироватлыме кочкыш-сатум лукшо цехым почаш федерал целевой программе полшен. Тудын дене келшышын, учрежденийлан 1 миллионат 350 тӱжемтенге оксам ойыреныт, тиде окса дене кок автоклавым налыныт. Эше 686 тӱжем тенгем подым, парогенераторым, стерилизаторым, закаточный машинкым налаш да видеокамер-влакым вераҥдаш кучылтыныт. У производствым республикысе ялозанлык министерствыште сайлан шотленыт. Молан манаш гын республикыште свежа пакчасаскам консервироватлыше ик предприятият уке.