19:51, 8-07-2021«Марий Эл ТВ»: В Звениговском районе проходит вакцинация против коронавирусной инфекции

Шке тазалыкым пеҥгыдемдаш да лишыл еҥ-влакым аралаш. Тыгай шонымаш дене калык коронавирус деч вакцинацийыш вашка. Пытартыш жапыште республик мучко шучко чер дене эмганыше-влакын чотышт кушкеш. Тидыже шукыштым лӱдыкта, сандене прививкым ышташ кумылан-влак шукемыт. Тачысе кечын Звенигово районышто 5 тӱжем наре еҥ прививкым ыштен. Районысо рӱдӧ эмылымыверыште вакциным черет дене ышташ лиеш.