Йӱштӧ Кугыза уна-влакым вашлияш ямдылалтеш! Икымше декабрьыште тудо турист-влаклан шке суртышкыжо омсажым почеш. Кызыт илемыште тӱзатыме паша кая. Теле тылзын икымше кечыже марте Юзо кочан резиденцийыштыже икмыняр вашталтышым илышыш шыҥдарен шуктат. Мутлан, пайремле маршрутым уэмдат. Адакшым у тургымышто Йӱштӧ Кугызан ешартыш полышкалышыже-влак лийыт. Йомак тӱням сылнештараш лум веле кӱлеш, палемда Поро Коча. Ушештарем, Йӱштӧ Кугызан резиденцийже Шернур районысо Кукнур селаште верланен. Тудын дек унала логалашлан ончылгоч возалташ кӱлеш.
Комментариев: 0