Марий Элыште У ий вашеш туныктышо-влакын шонымашыштым шуктеныт. Шушаш пайрем дене республикысе да Российын сулло педагогшо-влакым «Мечтают все» акций жапыште саламленыт. Ты гана пиал кок туныктышылан шыргыжалын. Тиде Светлана Викторовна Разинова да Нина Степановна Ершова. Нуно йоча-влаклан да йӧратыме пашалан пел курымым пӧлекленыт. Ынде кок ий сулен налме канышыште улыт. Туге гынат тунемше-влак дене кылым огыт йомдаре: вашлийыт да йоча-влакын ончыклык илышышт верч тургыжланат. Светлана Викторовна Йӱштӧ Кугыза деч балетыш билетым йодын, Нина Степановна ургымо машина нерген шонкален. Пӧлек-влакым ОНФын активистше-влак кучыкташ полшеныт.
Комментариев: 0