18:32, 11-01-2022«Марий Эл ТВ»:  Музей лицея № 11 - в числе лучших школьных музеев Приволжья

Тунемше-влакым историйым палаш да шымлаш таратат. Таче Республикын ятыр школыштыжо тоштер-влак пашам ыштат. Шукыжо лачак Кугу Ачамланде сар годсо илышым шарныктат. Йошкар-Оласе 11-ше номеран лицей пеленсе музей Юл кундемыште эн сай лӱмым сулен налын. Тудо ынде 50 ий шке историйжым вӱда. Тӱҥ экспозиций сарыште кредалше ты школын выпускникше да туныктышыжо-влаклан пӧлеклалтын. Экспонат коклаште пел курым жапыште чумырымо обмундирований, кум лукан серыш да салтакын ӱзгарже-влак.