«Навыки мудрых» национальный чемпионатым иктешленыт. Тений тудо 5-ше гана эртен. Российын 60 регионжо гыч 50 ий деч кугырак ийготан специалист-влак таҥасеныт. Нуно 28 компетенцийыште шке вийыштым тергеныт. Марий Эл гыч участник-влак «Кермычым оптымаш», «Школ деч ончычсо воспитаний» да «Ресторан сервис» номинацийыште таҥасеныт. Мут толмашеш, «Школ деч ончычсо воспитаний» компетенций йодмашан лийын. Эн сай лӱм верч Российын 28 субъектше гыч 28 еҥ таҥасен. Тыге, Марий Эл гыч Виталий Заболотских ден Алевтина Лаврентьева «Кермычым оптымаш» да «Ресторан сервис» номинацийыште бронзо медаль дене палемдалтыныт.
Комментариев: 0