16:37, 15-06-2023Марий Эл ТВ: На школе в Моркинском районе установили памятную табличку воину СВО

Уло тыгай профессий – элым аралаш. Лач тиде шомак Морко район Изи Кушна ялын эргыже Руслан Семёновлан келшен толеш. Школым тунем пытырмекыже, сарзе корным ойырен налын. Икымше кече гычынак специальный военный операцийыште лийын. Лийын… лач туштак 27 ияш рвезе шке вуйжым пыштен. 2022 ий, 13 ноябрьыште порысым шуктымыж годым колен. Тудым шарнен, жаплен да тауштен, Шордур тӱҥ школын пырдыжышкыже мемориал оҥам вераҥденыт.