19:59, 26-06-2023Марий Эл ТВ: Ремонт Верхушнурской школы Советского района планируют завершить в июле

У тунемме ийыште тичмашнек уэмдыме школыш. Советский районысо Ӱшнӱр кыдалаш школышто кугу капремонт ышталтеш. Ты паша «Школысо туныктымаш системын модернизацийже» федерал проект почеш шукталтеш. Пашам март тылзыште тӱҥалыныт, тудо июльышто мучашлалтшаш. Кызытеш школышто могай паша ышталтын, мемнан съемочный группына Советский районыш аклаш миен коштын.