19:38, 28-08-2023Марий Эл ТВ: В Марий Эл стартовал форум «МолодЙошка»

Самырык да чолга ӱдыр ден рвезе-влакым ушышо форум. 28 август гыч 1 сентябрь марте «Авангард» рӱдерыште «МолодЙошка» форум эрта. Тудо ик шонымаш дене илыше участник-влакым иктыш ушен. Нуно проектым возен, грант конкурслашке пуаш да тудым илышыш шыҥдараш тунемаш тӱҥалыт. Участник-шамычым икмыняр виктыш дене туныктат. Кажныштыже шке пашаштым палыше, грант паша дене шукертсек пашам ыштыше спикер-влак лекцийым лудаш тӱҥалыт.