Йошкар-Олаште баскетбол дене судья-влакым шуареныт. Рӱдолаштына ты виктышыште тыршыше-влаклан семинарым эртареныт. Нунын дене модмашым аклымымаште у правил да вашталтыш-влак нерген мутланеныт. Тидын деч посна таҥасымаште секретариатын рольжо нерген ойленыт. Занятийым Игорь Лебедев эртарен. Тудо 30 ий наре баскетбол модмашым акла. Марий Элысе тренер да судья-влак дене шке опытшо дене пайлалтын. Организатор-влак палемдат, баскетбол дене судья-влакым ямдылыме шотышто тыгай сынан вашлиймаш-влак кажне гаяк ийын эртаралтыт.
Комментариев: 0