- Дата: 20:08, 10-10-2022
- Просмотров: 388
«Марий Эл ТВ»: Интервью с руководителем студенческого фольклорного ансамбля «Марий мурсем» Родионом Алексеевым.
«Марий Эл ТВ»: Интервью с руководителем студенческого фольклорного ансамбля «Марий мурсем» Родионом Алексеевым.
Олык Ипай лӱмеш самырык-влаклан премий верч таҥасыше номинат-влак дене умбакыже палдарена. Конкурсышко 20 йодмаш пурен. Чылаже 26 еҥ таҥаса. Конкурсын положенийышкыже тений ешартышым пуртеныт. Сеҥыше-влакым куанле вашталтыш вуча.
Тӱткыш туныктышо-влаклан. Марий Элыште тиде кечылаште туныктышын арняже эрта. Тудын кышкарыштыже эн сай туныктышо, воспитатель ден логопед-влак погыненыт. Нуно чыланат тӱрлӧ конкурслаште ойыртемалтыныт. Тиде вашлиймаште мемнан съемочный группына лийын.
Шкетан лӱмеш Марий Кугыжаныш драме театр 104 театр тургымым почын. Тений 8 у спектакльым калык ончыко лукташ шонат. Поснак кугу тӱткышым марий йылме дене шындалтше постановко-влаклан ойырат. У театр тургымым «Гамлет» книган презентацийже да «Гамлет. Машина. Цемент» у сынан кум актан спектакль-кино дене почыныт.
23 гыч 25 сентябрь марте Адлер олаште куштылго атлетике дене Российын Чемпионатше эртен. Мемнан марий пӧръеҥ-влак сеҥымаш дене пӧртылыныт. Нунын кокла гыч ик сеҥышыже, спортын ветеранже Ипполит Лобанов дене мемнан съемочный группына вашлийын.