Кок рояль, 14 баян, скрипке, виолончель, домра, балалйке, гитар, пуалтарыме семӱзгар-влак, тыгак туныктымо литератур да оборудований: мольберт, пюпитр, видеопроектор, пӱкен ден ӱстел, хоровой станок-влак. Марий сымыктыш школлашке «Тӱвыра» нацпроект дене 60 семӱзгарым да 80 комплект оборудованийым колтеныт. Тиде пашалан 16 миллион теҥге окса ойыралтын. Школын материальный базыжым уэмдымек, туныктымо процесс кузе вашталтеш? Пример шотеш мемнан съемочный группына Калыкле сымыктыш гимназийыш миен коштын. 

Йошкар-Оласе калыклан усталык шӱлышан творческий лабораторий-влак шке омсаштым почыныт. Эртыше кугарнян сеҥымашын 30-шо идалыкше лӱмеш тӱвыра полатыште коворкинг пашам ышташ тӱҥалын. Тудо 5 лабораторий гыч шога: телестудий, театр, сымыктыш, музык да куштымаш студий-влак. Нине виктышлаште йоча веле огыл, кугыеҥат кумыл пашам муын кертеш. Мастарлыкым шуарыше рӱдерым «Культура городу» проект кышкарыште ыштеныт. Шонымашым илышыш шыҥдараш грант конкурсышто сеҥымаш полшен. Тӱвыра полатыште ремонтым ышташ да лабораторийлашке кӱлеш оборудованийым налаш кок миллион наре теҥгем ойыреныт.

Эртыше шуматкечын Йошкар-Ола гыч частичный мобилизаций дене специальный военный операцийыш кайыше-влакым ужатеныт. Нуным кундемнан районлаже да олалаж гыч рӱдоласе «Арена Марий Эл» манежыште вашлийыныт. Туштак сухпаёкым, аптечкым, шокшо вургем комплектым да ешартыш обмундированийым кучыктеныт. Рвезе-влакым Ульяновск областьыш наҥгаеныт. Нуно лишыл жапыште ешартыш ямдылалтмашым эртат. Армийыште налме шинчымашым пеҥгыдемдат. Частичный мобилизаций дене специальный военный операцийыш кайыше-влак Марий Элыш сеҥымаш дене пӧртылаш шонат.

Праздничный концерт по заявкам телезрителей.

Эстакаде, змейке, парковко. Машинам чын виктараш, корнысо правилым сайын палаш да медицине полышым пуаш. Йошкар-Олаште четеран корнысо правилым палыме да машинам устан виктарыме дене конкурс эртен. Таҥасымаш автомобильым виктарыше ӱдырамаш-влакым чумырен. «Автоледи-2022» конкурс тений мыняр чолга участникым поген? Молан ӱдыр-влак чӱчкыдын машинам виктараш тӱҥалыныт да конкурсышко ушнаш мо таратен? Вашмут - сюжетыште.

Психологий арнялан пӧлеклалтын. 17 гыч 21 октябрь марте Марий Элыште психологий арня эртен. Тудын кышкарыште тӱрлӧ квест, модыш, консультаций, урок, флешмоб-влак лийыныт. Психолог да тазалык шотышто эмганен вияҥше йоча-влакым куштышо ава-влак дене вашлиймаште мемнан съемочный группынат лийын.

Муро йӱкеш шочынам да.. (Гармонист Анатолий Ермаков-младший ч.III).

Праздничный концерт по заявкам телезрителей.

Марий Элыште частичный мобилизаций дене специальный военный операцийыш кайыше-влакым ужатеныт. Йошкар-Оласе «Арена Марий Эл» манежыште республикын олалаж да районла гыч толшо-влакым вашлийыныт. Тушто вургемым, йолчиемым, спальный мешакым да моло кӱлеш арверым пуэныт.

17 гыч 21 октябрь марте Марий Элыште психологий арня эрта. Тудым эртарымаш йӱлашке савырнен. Психологий арня йоча-влакым ты тӱня дене палдара. Тыгак нуным куштымаште да шуарымаште ача-ава-влаклан полышым пуаш виктаралтын. Психологий арняште туныктымо тӧнежлаште профилатике да сотемдарыше сынан мероприятий-влак эртат. Нуно тунемше-влакын усталык потенциалыштым шуараш, тыгак тунемше-туныктышо кыллан тӱткышым ойыраш виктаралтын улыт.