Тыланем мый тыланет... 13 октября 2022 г.
- Дата: 19:43, 13-10-2022
- Просмотров: 439
Профессионал мастарлыкыштым шуарат. 50 ий деч кугырак ийготан специалист-влак «Навыки мудрых» национальный чемпионатын финалыштыже вийыштым тергат. Тений тудо 12 гыч 14 октябрь марте Новосибирск олаште дистанционно-очный формат дене эрта. Марий Элын чапшым кум участник арала. Кумданрак сюжетыште.
Тачысе кечын марий койдарчык, мыскара-влак могайрак улыт? Уш акыл, йылме пӱсылык, поянлык, артист койышым ончыкташ амал лиеш. Республикысе Марий тӱвыра рӱдер Марий КВН-ым эртара. Тудо 18 ноябрьышыште Республикысе самырык-влакын полатыштышт лиеш. Тачысе кечын йодмаш-влакым вучат.
Россий Президент Владимир Путин специальный военный операцийын участникше-влаклан кредит да микрозайм дене отсрочкым ойырымо шотышто закондышко кидпалыжым пыштен. Документ дене келшышын, военнослужащий-влак договорын условийыжым вашталташ, шке кредит организацийышыкышт толшаш улыт. Тӱҥ шотышто нунылан службым эртыме жаплан кредит каникулым пуэн але тӱлымӧ кугытым иземден кертыт.
Йошкар-Олаште «Марий шыже» сымыктыш фестиваль тӱҥалеш. Тудо 15 октябрьыште почылтеш да 4 ноябрь марте шуйна. Тений тудо могайрак лиеш да кузе эрташ тӱҥалеш – кумданрак материалыше.
Угинде пайремым эртарыме радам дене палдараш, киндын кӱлешлыкшым да тудын илыш куатшым ончыкташ. Республикысе Марий тӱвыра рӱдер «Угинде» пайремым эртараш ямдылалтеш. Тудо 15 октябрьыште Чарла Кремльыште лиеш.