Кушкын шумеке, уста гармоньчо лийыт! Республикысе марий тӱвыра рӱдер «Изи гармоньчо» регион-влак кокласе конкурсым эртарен. Конкурсышто 15 гармоньчо да 3 ансамбль шке мастарлыкшым терген. Нуно Пошкырт, Киров кундемла да Марий Эл Республикын тӱрло районлаж гыч лийыныт.
Элым аралышын кечыжлан уло яллан - пӧлек. Марий Турек районысо Мари-Китне ялыште Т-34 танкын лум скульптурыжо шога. Тудым ялын старостаже Владислав Кибардин ыштен.
Тамле киярым да помидорым ончен-куштынет? Нуным шукш-копшаҥге деч утарынет? Пакчасаскам ончымо да моло теме дене кылдалтше йодыш-влаклан вашмутым «Основы овощеводства» лӱман курсышто пуат. Ялозанлык шанче кандидат Любовь Кудряшова кумылан-влаклан курсым эртара. Тений 24 занятий лиеш.
Валерий Иксанов – Республикысе МВД-ыште эксперт да криминалистике рÿдерын вуйлатышыже.
Социал контракт – шке пашам вияҥден колташ сай йӧн. Ик могырым финанс нелылыкым кораҥдаш полша, вес могырым – усталык пашаланат кумылаҥден кертеш. Социал контракт кредитлан ок шотлалт, полыш семын ойырымо оксам кугыжанышлан пӧртылтыман огыл. Тÿҥжö - айдемын пашам ышташ кумылжо лийшаш.
«Име дене моторлыкым сӱретлена». Евсеев лӱмеш калыкле тоштерын калык прикладной сымыктыш пӧлкаштыже кидмастар Людмила Яндыганован тыгаяк лӱман ончерже почылтын. Тудо кидмастарын лӱмгечыжлан пӧлеклалтын. Ончерышке авторын тукымыштыжо улшо кидмастар-влакын пашаштым чумыреныт. Нунын дене мемнан съемочный группына палыме лийын.
Специальный сарзе операцийыште улшо салтак-влаклан полшаш таче кундемыштына икмыняр ушем пашам ышта. «Аван шӱмжӧ» гуманитар толкын - нунын радамыште. Канышыш толшо салтак-шамыч полшышо еҥ-влак дене палыме лияш да шинчаваш таушташ толын каят.
Марий Эл гыч 13 еҥлан «Путинын командыже» почетан знак ден Чап грамотым кучыктеныт. Пайремле мероприятий Калык-влакын келшымаш пöртыштышт эртен. Мероприятийыш погынышо-влакым Регион вуйлатыше Юрий Зайцев ден Россий Калык фронтын амбассадоржо, доброволец Франсуа Модеме саламленыт. Тыгак СВО-лан полышым пуышо-влаклан Россий Калык фронтын «Чылажат сеҥымаш верч» Тауштымашан серышыжым кучыктеныт.
Шке йӧратыме мурыжым кажне кумылан еҥ ойырен кертеш. «Идалыкысе муро» верч йӱклымаш кая. Келшыше мурызо да мурылан радион ВКонтакте социал кылысе тӱшкаштыже йӱклаш лиеш. Ты лаштыкыште иканаште 3 йодыштмашым вераҥденыт. Тыге икмыняр мурызо але коллективлан йӱкым пуаш лиеш. Эше ик йӱклымаш «Марий Эл Радион» эфирыштыже кая. Колыштшо-влак келшыше участникын номержым радион смс порталышкыже колтен кертыт. «Идалыкысе муро» фестиваль марте, а тудо 29 февральыште лиеш, эн шуко йÿкым погышо мурызо-влак посна номинацийыште палемдалтыт. Кумшо йÿклымаш онлайн йöн дене, концерт жапыштак эрташ тÿҥалеш.
Марий Эл Республикысе федерал налог службо виктемын икымше разрядан специалистше Светлана Тихонова деклараций кампаний нерген палдара.
