Марий Эл гыч 13 еҥлан «Путинын командыже» почетан знак ден Чап грамотым кучыктеныт. Пайремле мероприятий Калык-влакын келшымаш пöртыштышт эртен. Мероприятийыш погынышо-влакым Регион вуйлатыше Юрий Зайцев ден Россий Калык фронтын амбассадоржо, доброволец Франсуа Модеме саламленыт. Тыгак СВО-лан полышым пуышо-влаклан Россий Калык фронтын «Чылажат сеҥымаш верч» Тауштымашан серышыжым кучыктеныт.

Шке йӧратыме мурыжым кажне кумылан еҥ ойырен кертеш. «Идалыкысе муро» верч йӱклымаш кая. Келшыше мурызо да мурылан радион ВКонтакте социал кылысе тӱшкаштыже йӱклаш лиеш. Ты лаштыкыште иканаште 3 йодыштмашым вераҥденыт. Тыге икмыняр мурызо але коллективлан йӱкым пуаш лиеш. Эше ик йӱклымаш «Марий Эл Радион» эфирыштыже кая. Колыштшо-влак келшыше участникын номержым радион смс порталышкыже колтен кертыт. «Идалыкысе муро» фестиваль марте, а тудо 29 февральыште лиеш, эн шуко йÿкым погышо мурызо-влак посна номинацийыште палемдалтыт. Кумшо йÿклымаш онлайн йöн дене, концерт жапыштак эрташ тÿҥалеш.

Марий Эл Республикысе федерал налог службо виктемын икымше разрядан специалистше Светлана Тихонова деклараций кампаний нерген палдара.

Патриот шӱлышан муро-влак ик вере йоҥгат. Килемар поселкышто Элым аралышын кечыжлан пöлеклалтше регион-влак кокласе «Душа России» лӱман патриот шӱлышан фестиваль-конкурсым эртарат. Тушко солист, ансамбль да хор-влак ушнат. Фестиваль Российысе «Уло еш дене» проектын участникше-влакымат вашлиеш.

Массаж кеч-могай ийготан-влаклан пайдале. Поснак 1 ияш марте йочалан кӱлешан. Массажым ыштыше Эвелина Александрован мутшо почеш, ача-ава-влак кугу тӱткышым изи йочан тазалыкшылан ойырышаш улыт. Вет лач нӧргӧ улмышт годым тазалыклан негыз пышталтеш. Лира Матвеева массажым ыштыше Эвелина Алексадрова дене вашлийын кутырен.

Шочмо Эл, Сеҥымаш да Йӧратымаш нерген сылнымут посна книга дене. Российысе писатель ушемын еҥже Дина Рычкова СВО-лан пӧлеклалтше проект почеш патриотизм шӱлышан почеламут-влакым ик книгашке чумырен.

Выпускнойлан ямдылалтме, шушаш у тунемме ий да тичмаш школысо туныктымаш нерген мутланеныт. Йошкар-Олаште школ директор-влакын кокымшо форумышт эртен.

Патыр эрге-влакым шарнен. Морко район Шордур тӱҥ школышто Кушна кундемын да ты школын геройжо-влаклан пӧлеклалтше «Мужество» лӱман ече дене таҥасымаш эртен. Тудо ты кундемын «Патырлык» орден дене палемдалтше 5 эргыжым шарныме да жаплыме амал дене эртаралтын. Таҥасымаш Морко посёлко, районын школлаж гыч шуко ечызым чумырен.

Воткылысе данный почеш Российыште илыше-влаклан 150 утла йылме шочмо йылмылан шотлалтеш. Нунын коклаште марий йылмат уло. Шочмо йылме-влакын кӱлешлыкышт, марий йылме дене савыкталтше материал да моло нергенат йодышым черетан, лӱмгече конференцийыште каҥашеныт. Вашлиймаш шочмо йылме кечылан пӧлеклалтын. Кумданрак сюжетыште.

«Мыскара илышым шуя», маныт калыкыште. Марий бард Геннадий Григорьевын черетан мыскара книгаже ош тӱням ужын. Палемдыман, тудо 4 книган авторжо. Тиде «Корныеҥ», «100 да 50 йолагай», «Ах, муро, муро!..» да «Изишак шыргыжал йолташ». Пытартышыжым шукерте огыл савыктен лукмо.