14 февраль – Тÿнямбалне книгам пӧлеклыме кече. Ты кечым республикысе чыла книгагудо пайрем семын палемда. А кумылан-влак тушко книгам пӧлек шотеш кондат. Кузерак тиде кече Чавайн лӱмеш книгагудышто эртен, мемнан коллегынан ямдылыме материалыштыже.
Туныктышо-влаклан конкурс. Марий Элыште «Идалыкын туныктышыжо» конкурсын муниципал этапше тӱҥалын. Педагог-влак кызыт шке район да олалаште таҥасат. Почмо урокым пуат, шкевуя тунемаш теме дене презентаций да проект пашам аралат. Сеҥыше-влак шошым республик кӱкшытан «Идалыкын туныктышыжо» конкурсышто вашлийыт.
Салтаклан полыш. Кумылан-влак Йошкар-Оласе администрацийыште маскироватлыме сетьым пидыныт да кукшо душым але вес семынже «армейский» душым ыштеныт. Нуно специальный военный операцийыште улшо мемнан сарзыеҥ-влаклан полыш кидым шуялташ эре ямде улыт. Кумданрак – материалыште.
Российын ечыгорныжо – уло ешлан спорт пайрем. Тений Россий кӱкшытан ече танасымаш «Ешын идалыкше» кышкарыште эртаралтын. Садлан еш-влаклан посна марафон лийын. Тушко спорт дене кылым кучышо 45 еш ушнен. Тенийсе соревнований тыгак Ленинградым блокаде деч утарымылан 80 ий теммылан пӧлеклалтын. Ты кечын Корта базыште тӱжем наре еҥ ечыгорныш шогалын.
Кундемыштына илыше-влак чуваш калык тӱвыра дене лишкырак палыме лийын кертыт. Сӱретсымыктыш тоштерыште Чуваш Республикын сулло сӱретчыжын, Станислав Михайловын, але Станислав Юхтарын, ончерже почылтын. Молан тудо шкенжым «Юхтар» манеш? Сӱрет-влакым возаш мо кумылаҥда? Кумданрак сюжетыште.
«Марий Эл ТВ»: Интервью с председателем регионального отделения Ассамблеи народов России Ларисой Яковлевой. «Актуальное интервью» с Лирой Матвеевой.
Курымашлык лӱмгечылан сай пӧлек лийшаш. Оршанке поселкын ик эн мотор верже, райрудӧ покшелне верланыше ерым идалык мучаш марте шотыш конден шуктышаш улыт. Ер 2022 ий шошым пучен. Тушто кызыт тошто конструкцийым пужат. Кумданрак Эльвира Петрован ямдылыме материалыште.
Коҥганат шке пайремже уло. Шке жапыштыже тудым 12 февральыште палемденыт. Христиан вераште тиде кечын Иоанн Златоуст, Григорий Богослов да Василий Великий шнуй-влакым шарнат. Коҥга пазар пайремым утларакше Кужэҥер, Шернур да У Торъял районлаште пайремлат. Теве ынде икмыняр ий ты пайрем Верхушут ялысе тӱвыра пӧртыштӧ эрта.
У тунемме идалыкым у вашталтыш дене вашлийыт. 2024 ий 1 сентябрь гыч школлаште труд урок-влак лийыт. Тыгак ОБЖ предмет олмеш кугырак класслаште тунемше ӱдыр ден рвезе-влак «Основы безопасности и защиты Родины» предметым тунемаш тӱҥалыт. Тыгай вашталтыш-влаклан республикысе школ-влак ямде улыт мо? Вашмут сюжетыште.
8 февраль - Российысе шанче кече. Валериан Васильев лӱмеш йылмым, литературым да историйым шымлыше марий иститутышто Российысе науко кечылан пӧлеклалтше шанче сессий эртен. Тений Россий науко академийлан – 300 ий. Научный сессий тиде лӱмгечылан пӧлеклалтын.
