Ийготет – 14-ыт гыч 18 ияш марте, яра жапет шуко да кеҥежым пашам ышташ кумылет уло? Тугеже, тыйым паша верым мумо шотышто рӱдерыште вучат. Лач тыгай тунемше-влаклан кеҥежым лӱмын программе пашам ышта. Тыгай йӧн дене пайдаланен, икмыняр тунемше кызыт Йошкар-Олаште верланыше йоча-влаклан экологий да биологий рӱдерыште пашам ышта. Нунын дене мемнан съёмочный группына вашлийын.  

Шыжым сай пакчасаскам налаш, шошо гычак шагал огыл тыршыман. Тидым пакчазе-влак сайын палат. Мемнан поро йолташна, палыме пакчазе, ялозанлык шанче кандидат Эльвира Пирогова саскам куштымо, шокшо игече деч кушкылым утарыме йӧн да моло секретше нерген ойла. Уста биолог дене черетан вашлиймаш гыч мемнан сюжетна.  

Праздничный концерт по заявкам телезрителей.

Марий шымлыше институтын шанчыенже-влак – Татарстан кудемысе Агрыз районышто. Тушто комплексный манме шанче экспедиций лийын. Шачыен-влак тусо калыкын йылме ойыртемжым, калык ойпогым, историй да этнологийжым шымленыт. Экспедиций Татарстаныште шочмо йылме, калык-влакын икоян да келшен илымыштлан полеклалтше идалык кышкарыште эртен.  

Царевококшайск гычын туналын Йошкар-Ола марте: 440 ий – ик томышто. 2024 ийыште Марий рудолана 440 ияш чапле лумгечым палемдаш туналеш. Марий Элын вудышо шанчыенже-влак тиде дате вашеш кугу полекым ямдылат – «История города Йошкар-Олы» монографийым. Ик могырым тудо академический форматан, вес могырым – научный сынан лиеш. Кумданрак – сюжетыште.  

Шуко ма шагал – 16 ий! «Марий Эл Радион» икымше гана эфирыш лекме кече гыч лач тынар жап эртен. Республикын ик  эн кугу аудиториян национальный радиожым таче  ик суткаште 100 тужем утла ен колыштеш. Нунын дене кылым  радиошто Ватсап да Вайбер йон дене ыштат.  16 ий жапыште радио палынак вашталтын, кушкын да виянын. Тудын тачысе илышыж нерген мемнан корреспондентна  радиовӱдышӧ-влак ден мутланен.  

Йошкар-Олаште «Идалыкын этноблогерже» премийлан конкурсым иктешленыт. Тений тудо кокымшо гана лийын. Этноблогер-влакын Россий кÿкшытан ассоциацийыштын эртарыме мероприятийже-влак кокла гыч иктыже. Кӧмыт тений ойыртемалтыныт? Кушеч нуно улыт? Вашмут сюжетыште.  

Летнее трудоустройство несовершеннолетних. Сюжет Натальи Ямаевой. 

Эрвел марий куштымашым чапландареныт. Башкортостан республикысе Калтаса районышто «Ший кандыра» регион кокласе куштымаш фестиваль гӱжлен эртен. Ты кугу пайрем кок ийлан ик гана эртаралтеш. Тений фестиваль-конкурс 8-ше гана тӱрлӧ кундем гыч уна-влакым чумырен. Марий Эл гычат уна-влак пошкудо регионыш миеныт. Калтасаште эртыше «Ший кандыра» фестиваль гыч Вера Горохован видеоматериалже.  

Праздничный концерт по заявкам телезрителей.