Праздничный концерт по заявкам телезрителей.

Марий калык кушеч да кунам лектын? Тудо могай лийын да молан ӱшанен? Мо дене илен: сар, сонар але мланде паша ден? Нине йодышлан вашмутым археолог-влак ятыр ий дене кычалын, марий калыкын историйжым лончыленыт. Нунын тыршымышт таче ик кугу выставкыште ончыкталтын. Йошкар-Оласе историй да археологий тоштерыште «Этноархеология: от имнискарис до мари» лӱман экспозиций почылтын. Тушто мемнан коллегына-влак лийыныт.  

Мечым кышкеныт, вер гыч тöрштылыныт, куржталыныт… Йошкар-Ола да районласе школлаште тунемше-влак ГТО, «Готов к труду и обороне» фестивальыш чумыргеныт. Удыр ден рвезе-влак 6 турло нормативым сдатленыт. Эн сай результатым ончыктышо, шöртньö значок дене палемдалтше икмыняр йочалан «Артек» йоча рÿдерышке канаш каяш лишыл жапыште путёвкым кучыктат.  

Праздничный концерт по заявкам телезрителей.

Уэш школышко. Но тунемаш огыл, а каналташ. Марий Элыште школ пеленсе лагерь-влакын пашам ыштыме тургымышт эркын дене мучашке лишемеш. Республик мучко 170 наре туныктымо тонеж пелен лагерь пашам ышта. Тушто 7 гыч 16 ияш марте удыр ден рвезе-влак канат.  Лагерьыште йоча-влак мом ыштат, шке жапыштым кузе эртарат? Йодыш-влаклан вашмутым кычалаш мемнан съемочный группына Йошкар-Оласе 23-шо номеран школышко миен.   

Шке проектыштым темленыт да президентын грантшым сененыт. Мутем – Хант-манси автоном округышто илыше марий-влак нерген. Каласыман, икмыняр ий ончыч нуно посна ушемыш чумыргеныт. 2019 ий гыч регионысо организацийым вуйлаташ чолга марий удыр, Параньга районын шочшыжо Раисия Сунгуровалан ушаненыт. 

Демонстрационный экзамен тургым. Кундемыштына WorldSkills стандарт почеш профессиональный туныктымо тонежлан выпускникше-влак кугыжаныш иктешлыше аттестацийым эртат. 18 турло компетенций дене 500 утла студент экзаменым куча. Тергымаш Йошкар-Олан турло площадкылаштыже эрта. Мемнан съемочный группына Йошкар-Оласе строительный техникумышто эртыше кум турло компетеций дене   экзаменым аклен шуктен.  

Праздничный концерт по заявкам телезрителей.

«Мелодии лесного края» проект – калык коклаште. Тимофей Евсеев лумеш калыкле тоштерыште тудын презентацийже эртен. «Чодыра кундемын семже» проект «Марий Эл Республикын 2013-2025 ийлан кугыжаныш калыкле политике» программе кышкарыште шукталтын. Тоштерын коллективше шанчыен да артист-влак дене пырля тувырго саскам ямдыленыт. Тудын лектышыж нерген – черетан сюжетыште.  

Шке пашам ончыкташ ямдылалтыт.  Йошкар-Олаште калык усталык да этнографий кинофильм-влакын Россий кукшытан 9-ше фестивальышт эрташ туналеш. Шкешотан танасымаш элнан турло регионлаж  гыч автор-влакым чумыра да ончышо-влакым нунын пашашт дене палдара. Россий кукшытан видеофестиваль 16 июльышто туналеш. Кызытеш йодмаш-влак пурат.