31 октябрь, 1 да 2 ноябрь историеш кодыт. Лачак тиде кечылаште Йошкар-Олаште Марий калыкын 12-шо погынжо эртаралтеш. Тиде кугу событийлан чылаже 385 делегатым сайлышаш улыт. Ты пашаш эртыше кечылаште Москва, Моско кундем, Санкт-Петурбург, Ленинград кундем да Хант-Мансий автоном округ ушнен. 12-шо марий погынлан ямдылалтме нерген Вера Горохован сюжетыштыже.                      

Марий Эл Республик вуйлатыше Юрий Зайцев эртыше кечылаште паша поездке дене Юлсер кундемыш миен коштын. 23 августышто Волжский район 85 ияш шочмо кечыжым палемден. Тыште пытартыш ийлаште моткоч кугу вашталтыш-влак лийыныт. Юрий Зайцев Приволжский поселкышто Заводской уремыште корно тӧрлымӧ пашам ончен. 1 километр утла корно кумдыкым сентябрь мучаш марте ыштен шуктышаш улыт. Чумыр пашан акше 40 миллион теҥгеш шуын. Тыгак республик вуйлатыше комбикорма заводышто паша кайымым ончен.  

Филологий шанче доктор Любовь Абукаева: Марий юмынйӱлаште «Серлагышын» верже. 

Мемнан салтак-влаклан тӱшкан полшена. Поро кумылым Республикынан йочасадше-влакат ончыктат. Йошкар-Оласе 29-ше номеран «Ший оҥгыр» йочасад специальный военный операцийыште улшо салтак-влаклан гуманитар полышым 5-ше гана колта. Кумданрак Лира Матвееван материалыштыже. 

Школ дечын тораште илыше-влак тунемме вер марте автобус дене миен шуын кертыт. Автобус шке тунемше-влакым ынде Немда да Токтарсола ялла марте шупшыкташ тÿҥалеш. Тидлан «У Торъял – Немда да У Торъял – Токтарсола» школ автобус рейсым ыштыме. Тыге йоча-влаклан тунемме вер марте миен шуаш йöнанрак лиеш да тунемше-влакын чотыштат шукемеш. 

Ик тӱжемат шӱдӧ йочалан - у школ. Мотор, йӧнан да тачысе жаплан келшыше. Восточный микрорайонышто 32-шо номеран  школ чыла могырымат у технологий дене шыҥдарыме лиеш. 1 сентябрьыште тыште икымше йыҥгыр йоҥгалтеш. У туныктымо тӧнежыште Вера Горохова лийын.         

Мемнан салтак-влаклан полыш. Йошкар-Оласе администрацийыште кумылан-влак маскироватлыме сетьым пидыт да нашлемникым ыштат. Олаште илыше-влак администрацийыште арнялан кок гана погынат. Тиде поро пашаш ушнышо-влакын чотышт эре кушкеш. Кумданрак Лира Матвееван материалыштыже. 

Спорт нерген мутым шуяш гын, теве У Торъялыште греко-римский кучедалмаш лийын. Тудо кажне ийын верысе борецым Юрий Оскиновым шарныме лÿмеш эрта. Спорт таҥасымашке пошкудо районла гыч ятыр участник ушнен. Кумданрак Кристина Быкован сюжетыштыже. 

Курск кундемлан полыш. Марий Элыште илыше-влак ВСУ-н террористический атакышкыже логалше-влаклан гуманитар полышым колтеныт. Кок арня жапыште поро кумылым ончыктышо-влак 10 тонн тӱрлӧ арверым погеныт: тиде кочкыш, вӱд, малашлан одеял, шартыш-влак, гигиене средстве. Тидын деч посна тунемше-влаклан канцеляр сату наборым чумыреныт. Лишыл кечылаште гумконвой Курскыш миен шушаш. Чыла погымо арверым калыкым жаплан вераҥдыме пунктлаште кучылташ палемдыме. Полышым корныш Михаил Васютин ужатен. 

Погаш, тунемаш да аралаш. Республикысе школлаште туныктыш министерствын «Школысо тоштер» проектше илышышке пура. Тудын почеш туныктымо тӧнежлаште тоштер-влакым почыт. Тушко цифровой оборудованийым, у стеллажым да моло кӱлеш арверым налыт.