Гость рубрики - заместитель начальника управления социального обеспечения семей с детьми Отделения СФР по Республике Марий Эл Анастасия Белкова.

Чыла пашалан мастар улыт. Калык прикладной сымыктыш тоштерыште Элым аралышын кечыжлан пӧлеклалтше «По силам вам любое дело…» лӱман ончер пашам ышта. Кум уста пӧръеҥ тӱрлӧ материал гыч ыштыме оҥай, ойыртемалтше пашашт-влакым калык ончыко луктын.

Муро пайрем лишемеш. «Марий Эл Радио» калыклан черетан «Идалыкысе муро» фестивальым ямдыла. Тений тудо 13-шо гана эртаралтеш. 29 февральыште Марий Эстрадын мурызыжо да радиом колыштшо-влак Сеҥымашын 30-шо идалыкше лӱмеш тӱвыра полатыште вашлийыт.

Мать героя СВО Владимира Винокурова Нина Шаблакова делится воспоминаниями.

«Марий теле» фестиваль умбакыже шуйна. Проект Марий Эл Вуйлатышын темлымыж почеш шочын. Тудын кышкарыште ончер, спектакль, модмаш, тӱрлӧ тематике дене кылдалтше программе-влак эртаралтыт. Эртыше каныш кечылаште «Весела сем» фольклор ансамбль Патриарший площадьыш толшо-влакым сылне сем да куштымаш дене куандарен.

Специальный военный операцийын участникше-влакын авашт да пелашышт ВДНХ-асе «Россий» ончерыш миен коштыныт. Ачамландым аралыше сарзе еш комитет штабын еҥже-влакым Москош Россий Президент пелен Марий Эл Республикын постоянный представительже Ольга Бадма-Халгаева ӱжын.

Гармонь – тошто семӱзгар. Тудын лукмо семже моткоч сӧрал. Ты семӱзгарым шоктышо да йӧратыше-влаклан Республикысе калык усталык рӱдер «Пой, гармонь – душа России» калык талант фестивальым эртара. Фестиваль баяным, гармоньым да мурым йӧратыше еҥ-влакым иквереш чумыра.

Шонымашым шыҥдараш келшыше вер. Марий Эл Республик Вуйлатышын грантше районлаште самырык-влаклан шкешотан рӱдерым почаш йӧным ышта. Тений 2 проект сеҥен. Тыге Оршанке да Советский поселкылаште самырык-влаклан посна пöлем шке омсажым почын. Иктыштыже мемнан съемочный группына лийын.

Йошкар-Олаште икымше гана телымсе иймаш дене Россий кӱкшытан таҥасымаш эртен. Тушко тÿрлö регион гыч спортын тиде видшылан кумылан-влак чумыргеныт. Таҥасымашыш чылаже 70 утла спортсмен толын. Кумданрак – материалыште.