Мужедаш, модаш да йӱлам шукташ. У ийын икымше кечышот пайремже – шорыкйол. Тудо тошто ийым иктешла да у ийым почеш. Жап эртыме семын акрет пайрем тачысе илышлан келыштыралтеш гынат, йӱла-влак аралалт кодыт. Самырык тукымлан ончыктымо амал дене Республикысе тӱвыра рӱдер кажне ийын Шорыкйол пайремым эртара. Тений тудо 7 январьыште Чарла Кремльыште лиеш.

Иктешлымашым ыштыме да ончыкылыклан планым пеҥгыдемдыме жап. Российысе писатель ушемын Марий Элысе пӧлкан йыжыҥъеҥже-влак 2023 ийым иктешленыт. Кызыт писатель ушемыште 70 еҥ шотлалтеш. Нунын коклаште самырык да калык лӱмым нумалше поэт, прозаик, драматург-влак улыт. Эртыше идалык кажныжлан лектышан лийын. Иктылан тудо тӱрлӧ вашлиймашлан поян, весылан черетан сылнымут сборникым пӧлеклен. Тыгак ушемын эртарыме мероприятийже-влак историеш возалт кодыныт.

МЫЙЫН МЛАНДЕМ.

У ий вашеш куан. Тыгай пӧлекым республикысе 17 школлан Российысе да Марий Элысе виктер ыштен. Эртыше кечылаште школ директор да районласе туныктымо пӧлкан вуйлатышыштлан 17 школ автобус деч сравочым кучыктеныт. Кумданрак сюжетыште.

Сай кумыллан да У ий шӱлышлан Йӱштӧ Кугыза дек унала. Шернур районысо Кукнур села таче верысе калыклан гына огыл, ятыр туристлан сайын палыме. Кажне телым Резиденцийыш 5 тӱжем утла еҥ толын кая. Тений Йӱштӧ Кугызан илемыштыже кок пачашан у полат чоҥалтын. Тушто Йӱштӧ Кугыза йоча-влакын серышыштым лудеш, а Лумӱдыр тӱрлӧ мастарлык-классыште У ий модышым ышташ туныкта.

Звенигово районысо Кокшайск селаште илыше-влаклан икымше медицине полышым налаш йӧнанрак лиеш. Тыште эртыше кечылаште «Модернизация первичного звена» проект кышкарыште эмлымвер амбулаторийым пайремлын почыныт. Амбулаторий 6 ял гыч 1500 утла еҥым обслуживатла. Кумданрак сюжетыште.

«Марий теле» кая. Регион вуйлатыше Юрий Зайцевын темлымашыж почеш эше ик проект илышышке пура. Тиде «Марий теле» фестиваль. Тудын кышкарыште кундемыштына тӱрлӧ концерт, ончер, мастарлык-класс да акций-влак эртаралтыт. Проектыш республикын тӱрлӧ учрежденийже ушна.

Шушаш рушарнян ик эн вучымо пайремым – У ийым вашлийына. Молгунамсе семынак тудо Рошто пӱтӧ дене келшен толеш. У ий – светский манме пайрем гынат, черке тудым палемдаш чаракым огеш ыште. Пӱтым кучышо-влаклан тудым ласкан, опкынлык да кочывӱд деч посна эртарыман. Воскресенский соборын кочмыверыштыже 12 ий наре тыршыше Мария Прозорова палемда, «пӱтӧ» мут деч лӱдман огыл. Тыглай йӧрвар гычат ятыр тамле кочкышым ямдылаш лиеш. Мутлан, кавун гыч шӱрымат, пучымышымат, шере когыльымат, тамле йӱышымат ыштат. Рошто вашеш пӱтӧ жапыште шылым, муным, шӧрым, шöр кочкышым огыт коч. Но православий йӱлам кучышо-влаклан каныш кечылаште колым, мӧртньым да нӧшмӱйым лиеш.

Марий йӱла: Руководитель Централизованной религиозной организации Марийской Традиционной Религии Республики Марий Эл Бирюков А.В. об итогах 2023 года.

У ий модышым кевытыште налаш але шке кид дене ышташ – кумыл паша. У ий кожым волгалтше гирлянде, мишура да модыш дене сӧрастарымым ужаш тунемынна. Но шуэн гынат, шке кид дене ыштен сӧрастарыме кожымат вашлияш лиеш. Южо кидмастар гын ты пашам кажне ийын шуктат. Тыгай годым кид йымалне мо уло, чыла кая.