Ончыкылык профессийым ойыраш полшымо амал дене. Марий Элысе тӱрлӧ профессийлан ончылгоч ямдылыше рӱдер тунемше ден студент-влакым кундемнан тӱрлӧ производственный предприятийлашке экскурсий дене коштыкта. Ты паша шукерте огыл тӱҥалын гынат, 800 наре ӱдыр-рвезе тӱрлӧ предприятийын пашажым кӧргӧ гыч ужын аклен. Тиде проект кышкарыште 30 утла организаций дене ойпидышым ыштеныт. Нунын коклаште Искож завод. Тушко Руэм кыдалаш школын тунемшыже-влак миен коштыныт. Йоча-влак дене предприятийыште мемнан съемочный группына лийын.

Марий Элыште самырык педагог да воспитатель-влаклан ешартыш выплате лиеш. Тудым Кугыжаныш погынын депутатше-влак закон дене пеҥгыдемденыт. Регион вуйлатыше Юрий Зайцев образований сферыште пашам ыштыше самырык специалист-влаклан полшаш темлен. Закон проект верч депутат-влак Марий Эл Кугыжаныш Погынын черетан сессийыштыже йӱкленыт. Школ, йочасадышке толшо самырык педагог-влаклан республике ик гана окса полышым ойыраш тӱҥалеш. Тыгак депутат-влак йочам ешышке ашнаш налше еш-влаклан пособийым кугемдыме верч йӱкленыт.

Йӱштӧ Кугызан резиденцийже ынде Москоштат уло. Тудо «Россия» ончер-форумышто почылтын. Юзо коча Лумӱдыр уныкаж дене пырля Марий Элын стендыштыже уна-влакым 30-шо декабрь йотке вашлияш тӱҥалеш. Идалык мучаш марте юзо-влак оҥай программым темлат. Уна-влакым тӱрлӧ модмашке ушнаш ӱжыт. Палемдыман, элнан рӱдолашкыже Йӱштӧ Кугыза ече дене куржын толын. Пеленже ятыр пӧлекым, сувенирым да тамле йӧрварым конден. У ий шӱлышан программыш кугу кумыл дене йоча-влак веле огыл, кугыеҥат ушнат.

«Марий Эл ТВ»: Интервью с Анастасией Ивановой - научным сотрудником музея истории города Йошкар-Олы. «Актуальное интервью» с Лирой Матвеевой.

Лӱмлӧ тренерым чапландарен. Марий Эл Республик Российын 9 регионжо гыч чолга самырык спортсмен-влакым вашлийын. Бокс дене СССР-ын спорт мастерже Эрик Якаевын призше верч регион-влак кокласе турнир эртен. Тушко мемнан съемочный группынат миен.

Самырык тукымын сеҥымаш жапше. Йошкар-Олаште «Время твоих побед» лӱман патриот форум эртен. Тудо самырык-влакын политикышт, туныктыш, спорт алан гыч специалист, сарзе-патриот ушемын тунемшыже-влакым поген, чылаже 450 еҥым. Форумын темыже – патриотизмын 10 шӧрынжӧ. Тиде радамыште Отечествылан служитлымаш, спорт, волонтёр паша, экологий, педагогике, еш, историй да молат.

Республикыштына «Движение первых» толкынын иктешлыше конференцийже лийын. Таче тиде толкын Марий Элыште тунемше 6 гыч 18 ияш марте чыла гаяк ӱдыр-рвезым, нунын ача-аваштым да педагогыштым уша. Кызыт тыгай пöлка кажне школышто уло. Самырык тукымым вияҥден, тÿшка проектыш ушаш – тыгай задаче кажне туныктыш учреждений ончылно шога. «Движение первых» российысе организаций йоча-влакын кумылыштым ончышо ик эн кугу толкынлан шотлалтеш.

Марий кундемым да калыкым чапландарыше еҥ. Марий автоном областьлан негызым пыштыше да тудын икымше вуйлатышыже Иван Петровлан 130 ий. Кугу лӱмгече вашеш кугыжаныш пашаеҥым шарнен, республикыште тӱшка мероприятий-влак эртаралтыт. Тушко йоча, студент, шанче да мер пашаеҥ, виктер вуйлатыше да тудын алмаштышыже-влак ушненыт.

Мемнан коллегына-влак тиде кечылаште «Россия» выставке-форумышто пашам ыштат. Тушто тӱвыран арняже эртаралтеш. Таче ме мемнан коллегына Лира Матвеева дене кылым ыштена.

Марий йӱла: Главный карт Йошкар-олинской общины Юрий Тушнурцев о зимних традициях народа мари.