«Профессионалы» Российысе чемпионатын регионысо этапше умбакыже кая. Профессионал мастарлык конкурсыш 385 самырык еҥ ушнен. Таҥасымаш кундемнан 14 кыдалаш туныктымо тӧнежыште эрта. Чемпионатышке ик эн йодмашан да кӱлешан 53 специальностьым луктыныт. Нунын коклаште «Ялозанлык техникын эксплуатацийже».
Марий Эл Российын тӱрлӧ кундемлаж гыч марий ончылъеҥ-влакым вашлияш ямдылалтеш. Марий мер каҥаш Президиумын шошо сессийже лишемеш. Икымше тыгай погынымаш рӱдолаште 2021 ий апрельыште лийын. Тудо «Еш, йылме да туныктымаш» теме дене эртен. Тыгак Марий Форум Марий Юмыйӱла, Самырык тукым да тӱвыра теме-влаклан пӧлеклалтын ыле. Тиде гана Марий Форум 12-шо марий погынлан ямдылалтмылан пӧлеклалтеш. Тиде кечынак Мер Каҥашын Пленумжо эртаралтеш. Тушко Марий-влакын тӱшкан илыме регионлаж гыч мер пашаеҥ-влак ушнат.
Воспитатель ден туныктышо-влак профессионал мастарлыкым шуарыше конкурслан ямдылалтыт. Лишыл жапыште нуно «Идалыкын туныктышыжо», «Идалыкын воспитательже» да «Марий йылмым эн сай туныктышо» лӱм верч таҥасаш тӱҥалыт. Конкурс апрельыште лиеш да икмыняр этап дене эрта. Тушко районышто сеҥыше-влак ушнат. Морко районын чапшым 2 туныктышо да 1 воспитатель арала. Кызыт ме «Идалыкын туныктышыжо» конкурсын районысо этапыште ойыртемалтше Надежда Степанова дене мутланена. Тудо Морко 2-шо номеран школышто математикым туныкта.
Марий кундемын лӱмлӧ еҥже-влак посна савыктышыште. Марий Элысе тӱвыран сулло пашаеҥже, Александр Суриков лӱмеш Марий Эл Республикысе Кугыжаныш премийын лауреатше Мария Матукован «Кундемнан шӧтньӧ поянлыкше» книгаже лектын. Автор ты книгаш Марий кундемым чапландарыше еҥ-влакын илышышт да усталык корнышт нерген очерк-влакым чумырен. Сылнымут классик Сергей Чавайнын, икымше марий режиссёр Алексей Маюк-Егоровын, театр артист-влак Георгий Пушкинын, Нина Конакован, Анастасия Страусован, сӱретче Иван Ямбердовын да ятыр моло уста айдемын илышыж нерген увер пурталтын.
14 тӱрлӧ площадкыште «Профессионалым» ойырат. Марий Элыште профессиональный мастарлык дене Российысе чемпионат кая. Конкурсышто 385 самырык ен мастарлыкшым ончыкта. Тиде 14 ияш гыч тунемше да кыдалаш профессионал туныктыш аланын студентше-влак. Ӱдыр-рвезе-влак 53тӱрлӧ компетенций дене таҥасат: «Кермычым оптымаш», «Бухгалтер учёт», «Социал паша», «Цифровой модельер» да молат. «Ялозанлык техникын эксплуатацийже» да «Автомобильын ремонтшо да эксплуатацийже» компетенийыште вийым тергыше конкурсант-влак дене мемнан корреспондентна вашлийын. Советский районысо Вечын селасе Аграрно-строительный техникум гыч мемнан сюжет.
Марий талешке, эпос герой-влакым палдарыме амал дене. Тимофей Евсеев лӱмеш калыкле тоштер тунемше да студент-влаклан «Создавая себе героя» интерактивный программым ямдылен. Эртыше кечылаште тоштер пашаеҥ-влак Йошкар-Оласе чоҥымаш техникумыш миен коштыныт. Интерактивный программе нерген кумданрак – материалыште.
Оҥай да пайдале каникул. 25 гыч 29 март марте йоча-влаклан «Инженер каникул» проект пашам ышта. Тудо школышто каныш жаплан келыштаралтын. Ынде 2-шо ий «Открой в себе инженера» лӱман проектым Йошкар-Оласе 10-шо номеран школ шыҥдара. Ик арня жапыште йоча-влак тӱрлӧ мастарлык-классыш ушнат да шинчымашым вигак практикыште пеҥгыдемдат. Инженер каникулын икымше занятийыште мемнан съемочный группынат лийын.
Республикысе эн чолга еш-влак ик вере. Еш идалык кышкарыште тыгай амалым «Это у нас семейное» лӱман проект ыштен. Еш-влак икте-весе дене да мер пашаеҥ, туныктышо, психолог-влак дене вашлийыныт. Чыланыштымат иктыш «Йоча кызытсе тӱняште» ача-ава-влакын форумышт чумырен. Кумданрак сюжетыште.
Киров марий-влак дек унала миен коштыныт. Марий мер каҥашын Президиумжо Киров олаште погынымашым эртарен. Ты паша 12-шо Марий погынлан ямдылалтме паша кышкарыште эртен. Киров олаш мемнан коллегына-влакат миен коштыныт.
Тӱвыра пашаеҥ-влакын кечышт кугу пайрем деч посна эртен. Марий Элын вуйлатышыже Юрий Зайцев мероприятий тӱҥалтыште Москва областьыште лийше терактыште ӱмыр лугыч лийше-влакым ик жап шып шоген шарналташ темлен. Яков Эшпай лӱмеш марий кугыжаныш филармонийыште 25 мартыште районла да олала гыч идалык жапыште ойыртемлтшын пашам ыштыше, шуко жап ты сферыште тыршыше-влакым правительствын да ведомствын суаптарышт дене палемденыт.
