«Марий кеҥеж» проект мемнан республикыште кокымшо ий кеҥеж пагытыште эратарлтеш. Тудым Марий Эл республикын вуйлатышыже, Юрий Зайцев, темлен. Проект кышкарыште тӱрлӧ мероприятий-влак эртаралтыт. Тушко шагал огыл усталык коллектив, студий, организаций-влак ушнат. Тӱвыра да каныме мероприятий-влак дене пырля самырык-влаклан корно правил нергенат умылтарат. ГИБДД-ын пашаеҥже-влак Йошкар-Оласе ик кудывечыште Светофор Светофорыч дене вашлиймашым эртареныт.

Мӱйым иканаште банкыш погат. Звенигово районысо Чакмарий селаште илыше Анисимовмыт еш мӱкшым ончымо пашаште у йӧным кучылтеш. Тений нуно мӱкшлан карашым иканаште банкыш вераҥденыт. У йӧн лектышан манын палемдат мӱкшызӧ-влак.

«Марий Эл ТВ»: Интервью с председателем Союза женщин мари «Саскавий» Кошкиной Л.И. «Актуальное интервью» с Лирой Матвеевой.

Марий Эл гыч тунемше-влак «Лӱдыкшыдымылык школ» регион-влак кокласе таҥасымаште сеҥеныт. 23 гыч 29 июнь марте Мордовийыште черетан таҥасымаш лийын. Марий Элын чапшым кок команде арален: иктыже изирак ийготан, весыже кугу класслаште тунеше-влак радам гыч лийын. Ӱдыр-рвезе-влакым тӱрлӧ школа гыч чумыреныт.

Вуеш шушо пагыт! Калыкын ик эн йӧратыме национальный радиожлан – 18 ий. 1 июль – Марий Эл Радион икымше гана эфирыш лекме кечыже. Республикын ик эн кугу аудиториян марий радиожым таче ик суткаште 100 тӱжем утла еҥ колыштеш. Нунын дене кылым радиошто Ватсап да Вайбер йӧн дене ыштат. 18 ий жапыште радио палынак вашталтын, кушкын да виянын. Тидым тачысе Радио коллектив гына огыл, радиом колыштшо-влакат палемдат. Тудым Марий Элыште гына огыл, вес эллаштат чолган колыштыт. Шочмо кече вашеш ме нунын денат кылым ыштенна.

Марий йӱла: этнопсихолог Нина Айварова об особенностях поведения и характера современного человека.

Усталык шӱлышым шуараш да ончыклык серызе-влакым кушташ. Марий Эл Республикысе Волжский район Шайра кундемыште «Кеҥеж сылнымутчо» семинар лиеш. Тудо 18 гыч 20 август марте эрта. Усталык мастаргудо поэт, прозаик, журналист, сӱретче, артист, этнопсихолог, туныктышо-влакым уша.

Шкетан лӱмеш Марий кугыжаныш драме театр тургымым мучашлен гынат, паша каен шога. Шукерте огыл ола воктене, Какшан серыште кава йымалне «Посадить дерево» спектакльым ончыктеныт. Постановко ача да йоча кокласе вашкыл дене палдара. Кугурак тукым икшывышт-влак дечын кум йодмашышт уло. Нуно пӧртым чоҥышаш, эргым ончен куштышаш, пушенгым шындышыш улыт. Но самырык тукымын шинчаончалтышыже йӧршешак весе. Кава йымалне шындыме спектакль ончышо-влак деке лишкырак лияш амалым ыштен. Морко район Марий Кужер ялыште «Морко сем» спектакльым тыгакак кава йымалне 27-ше августышто ончаш лиеш. Тидын деч посна у тургымланат ямдылалтыт.

Чоным вӱчкышӧ, шинчам куандарыше радына-влак. Кидмастар Светлана Романова тасма дене 8 ий утла тӱрла. Тачысе кечын тудо тиде пашалан моло-влакымат кумылаҥда. Тасма дене тӱрлаш туныктымо клубым вуйлата.

Самырык педагог да наставник-влаклан форум умбакыже шуйна. Таир ер воктенсе тазаҥдыме рӱдерыште Россий кӱкшытан «Таир-2023» форум 14-ше гана туныктышо-влакым чумырен. Тушко Российын 32 регионжо гыч 300 наре участник ушнен. Нунын дене мемнан съмеочный группына вашлийын.