Пеледыш пайрем йоча-влаклан. Республикысе Марий тӱвыра рӱдер Йошкар-Оласе Чарла Кремльыште йоча-влакым пайремыш чумырен. Марий калык модыш, конкурс, усталык коллектив-влакын изирак концертышт. Йоча пеледыш пайремын программыже поян лийын. 10 ий ончыч тӱҥалтышым налше пайрем нерген мемнан сюжет.

Келшымаш да пеледыш. Мо нуным уша? Пеледыш пайрем. Кажне ийын Пеледыш пайрем вашеш Марий тӱвыра рӱдер да Марий Эл радио пайремыш толшо-влаклан Келшымаш касым эртарат. Тыште уна-влак, тӱрлӧ усталык коллектив да мурызо-влак калыклан пайремым пӧлеклат.

«Марий Эл ТВ»: Интервью с председателем Всемарийского Совета Александровым Э.В. «Актуальное интервью» с Лирой Матвеевой.

Смотрите большой репортаж – завтра!

Марий юнкор-влакым иктыш ушышо слет. Йошкар-Олаште 18 гыч 21 июнь марте республикысе юнкор слёт уэш ӱдыр ден рвезе-влакым чумырен. Нуно чыланат «Ямде лий» йоча газетын поро йолташыже улыт. Тиде вашлийымашым йоча веле огыл, газет редакцийын пашаеҥже-влакат чон вургыж вученыт. 2019 ий гыч 4 ий эртымеке нуно угыч шке самырык корреспондентышт дене вашлийыныт. Кумданрак сюжетыште.

Марий йӱла: На священной горе Чумбылат 25 июня пройдут марийские моления.

Игечым ончен, пакчаште кушшо емыж-саскат кугу тӱткышым йодеш. Тудо шке лектышыж дене озаватым куандарыже манын, мом ыштыман? Могай ешартыш кочкышым, витаминным пуыман? Мутлан, помидор шокшо игечым йӧрата. А теве ужар шоган нарынчалгаш тӱҥалын гын, мом ыштыман? Озаватын шуко йодышыжо лектеш. Икмыняр йодышлан вашмутым муаш, мемнан съемочный группына поро йолташна, ялозанлык шанче кандидат Эльвира Пирогова деке миен.

1920-1930-шо ийласе марий тӱрлызӧ-влакын илыш-корныштым шымленыт. Этнограф Тимофей Евсеев дене пырля пашам ыштыше кидмастар-влакын родо-тукымжо, пошкудыж дене вашлийыныт да молат. Тиде паша «Самырык этнолабораторий» проект кышкарыште шукталтын. Проект ӱмаште Росмолодежьын грантшым сеҥен. Идалык жапыште тудын дене кугу команде пашам ыштен. Проектын лектышыже нерген черетан сюжетыште.

Любовь Абукаеван «Марийские гостевые песни в контексте традиций гостеприимства» лӱман книгаже савыкталтын. Тушко 30 ий наре чумырымо материал пурен. Марий уна муро-влаклан пӧлклалтше у монографий калык усталыкым шымлыше да мурым йӧратыше-влаклан келыштаралтын. Книга «2013-шо – 2025 –ше ийласе жаплан Марий Эл Республикын кугыжаныш национальный политикыже» программе почеш савыкталтын. Могай тиде книга да тиде программе почеш эше могай у книга ош тӱням ужын? Йодыш-влаклан вашмутым сюжетыштына пален налыда.

Марий юнкор-влак, чумыргыза! 18 гыч 21 июнь марте 4 ий эртымеке, республикысе юнкор слёт уэш шке пашажым тӱҥалеш. Тудым ий гыч ийыш «Ямде лий» газет редакций эртара. Йоча-влакым мо вуча? Организатор-влак нунылан мом темлат? Вашмут сюжетыште.