Шарнымаш да ойганымаш кечылан пӧлеклалтше куржталмаш. 21 июньышто йӱдым Волжск оласе Сеҥымаш парк куштылго атлетике дене кылым кучышо-влакым чумырен. Тушто «Кас Волжск ола» лӱман акций эртен. Куржталмаш йӱдым лийын. 21 июньышто 18 ий деч самырык-влак 21 шагатлан куржыныт, а кугурак-влак латкок шагат деч вара, йӱдым куржыныт. Йоча-влак икыт да кок меҥгым эртеныт гын, а кугурак ийготан-влак 3, 5 километр кужытым куржыныт. Марафон 70 утла участникым чумырен.
Угыч экспедицийыш. Марий Элысе рӱдӧ юмыйӱла ушемын «Наследие. Путь к истокам» проектше умбакыже илышыш шыҥдаралтеш. Тудын почеш республикысе Марий Юмыйӱла общине вуйлатыше ден онаеҥ-влак марий-влакын илыме кундемлашкышт миен коштыт. Эртыше ийын ты паша Угарман, Киров да Свердловск кундемыште ышталтын. Тенийсе экспедиций могай кундемыште эрта, вашмут сюжетыште.
Марий профессиональный театрлаште, любительский коллективлаште шындаш келшыше келге содержаниян сылнымутан произведенийым кычалыт. Марий Элыште черетан «Эн сай марий пьесе» конкурс увертаралтын. Драматург-влакын конкурсышт икымше гана 20 утла ий ончыч тӱҥалын. Тудо кок ийлан ик гана эртаралтеш.
Сӧй пасушто вуйым пыштыше да тылыште тыршыше-влакым шарнен. Кажне ийын 22 июньышто республикыштына «Шарнымаш сорта» акций эрта. Тӱжем дене еҥ шке кочаштым, кугезе кочаштым шарнен сортам чӱктат. Лачак тиде кечын 82 ий ончыч 4 шагат эрдене фашист Германий Совет элышке керылтын.
Сеҥымашым лишемдаш полшаш. Таче тиде калык да чыла тӧнеж да ушем-влак ончылно шогышо тӱҥ задаче. Сандене кажныже кертме семын полша. Эртыше арнян Калык фронт да МЭТР телерадиокомпаний телерадиомарафоным эртареныт. Тыгак шукерте огыл сарзе операцийыште улшо мемнан салтак-влаклан гуманитар полышым колтеныт. Кумданрак сюжетыште.
Марий Эл ТВ: Сотрудники ГИБДД напоминают детям о безопасности на дорогах.
Радио да телевиденийын пашаж дене палыме лияш. «Марий юнкор-2023» слетын участникше-влак «МЭТР» телеканалыш да «Марий Эл Радиош» экскурсий дене толыныт. Усталык экскурсий гыч видеоматериалым ончаш темлена.
«Диво России – 2023» фестиваль-конкурс тений 10 гана эрта. Россий кӱкшытан конкурс 2013 ийыште тӱҥалтышым налын. Тиде конкурсыш Российын тӱрлӧ кундемлаште илыше-влак туризм дене кылдалтше видеопрезентаций але ролик-влакым колтат. Тений тышке Марий Эл гычат ушненыт да полифиналыш логалыныт. Вашке, 5 гыч 7 июль марте «Диво Поволжья» фестиваль-конкурс Йошкар-Олаште эрта. Марий Эл гыч кӧ тушко ушнен да кӧ полуфиналыш лектын? Икмыняр проект нерген сюжетыштына каласкалена.
Тазалык дене эмганен вияҥше, сокыр але начарын ужшо еҥ-влаклан полшаш. Российысе сокыр-влак ушемын Йошкар-Оласе пӧлкаже шке ончылныжо лачак тыгай задачым шында да 1943-шо ий годсек тудым шукта. Шукерте огыл ты ушем 80-ле ияш лӱмгечыжым палемдыш. Таче тыште могай паша шукалтеш да начарын ужшо-влаклан могай полышым пуат? Чылаж нергенат кумданрак сюжетыште.
«Йошкар-Олаште» Пеледыш пайремыш 45 тӱжем утла еҥ, 14 регион гыч делегаций толын. Марий Элын кажне районжо, Сведловск, Виче кундемла чапле кудым ямдыленыт. Тыге, икымше вер дене Морко районын кудыжо палемдалтын, кокымшо дене Провой кундем, а кумшо верым Марий Турек район сулен налын. Йошкар-Олаште Пеледыш пайрем Пунчерысе Тумер аланыште Агавайрем кумалтыш дене тӱҥалын.
