Хоккейым йӧратыше-влак иквереш вашлийыныт. 15 гыч 18 январь марте «Марий Эл» ий полатыште самырык хоккеист-влак коклаште «Шӧртньӧ шайбе» Россий кӱкшытан соревнований эртен. Могай команде-влак таҥасымашыш ушненыт? Нуно кушеч улыт? Ниде йодыш-влаклан вашмутым Кристина Быкова кычалын.
Икте эртыше кечылаште республикыште озаланыше лум да поранлан йывыртен гын, весылан тудо нелылыкым луктын. Олаште тудын дене тӱҥ шотышто транспорт тӱкнен гын, яллаште илыше-влаклан паша кок пачаш ешаралтын.
13 январьыште Морко район Кораксолаште «Шорыкйол» пайрем эртен. Тудо Морко районын 100 ияш лӱмгечыжлан пӧлекалтме пайрем кышкарыште лийын. Тусо кундемын уста коллективше-влак ты пайремын йӱлам шуктымым, шке мастарлыкыштым ончыктеныт. Шорыкйол кузе эртыме нерген кумданрак материалыште каласкалена.
Силикатный поселкышто илыше-влаклан медицин полыш йӧнанрак лийын. Медведево районышто 2023 ий мучаште у амбулаторийым почыныт. Тудым кызытсе жаплан келшыше оборудований дене пойдареныт. Верысе калыклан чылажат моткоч йӧнан - а тиде «Тазалыкаралтыш» нацпроектын тӱҥ шонымашыже, палемден Юрий Зайцев.
Школыш пашаш толмылан 1 миллион теҥге. 2019 ий февральыште элнан Президентше Владимир Путин федерал погынлан посланийыште изирак ял шотан илемлаште туныктышо-влаклан полшаш темлен. Тыге, 2020 ийыште Россий мучко «Земский туныктышо» программылан тӱҥалтыш лийын. Тений тудо умбакыже шуйна. Программыште участвоватлаш шонышо-влак деч йодмашым 10 январь гыч 15 апрель марте вучат.
Герой, СВО-н участникше-влак нерген Марий Элыште илыше кажне кумылан еҥ каласкален кертеш. Мемнан регион Россий кӱкшытан «СВОИ» лӱман акцийыш ушнен. Палемдыман, тудым калык-влакын пашашт шотышто федерал агентство полшымо дене «Дом народов России» илышыш шыҥдара. Проектын тӱҥ шонымашыже – патырлык дене кылдалтше, илышыште лийше историй-влакым чумыраш, специальный сарзе операцийыште тӱрлӧ калык дене ваш келшыме, икте-весылан полшымо нерген каласкалаш.
МЫЙЫН МЛАНДЕМ.
У идалыкым сеҥымаш дене. Марий Элысе 8 коммерческий огыл организаций президент фонд грантым сеҥыше-влак коклаште. Проект-влак тӱҥ шотышто тазалык шотышто эмганен вияҥше йоча да кугыеҥ-влаклан полшаш, спорт деке чакрак лияш виктаралтыныт. Ойырымо шийвундо дене нуно тӱрлӧ социал проектым илышыш пурташ тӱҥалыт. Кок тӧнежын проектше нерген кумданрак черетан материалыште.
Лӱмлӧ режиссерым моктен да тудын пашаж дене палдарен. М.Шкетан лӱмеш Марий кугыжаныш драме театрыште Василий Пектеевын 70 ияш лӱмгечыжлан пӧлеклалтше фестиваль тӱҥалеш. Кум тылзе жапыште тудын шындыме 10 спектакльжым театрын сценыштыже ончыктат. Кумданрак – материалыште.
Марий Элысе коллективын усталыкшым Россий кӱкшытыштӧ акленыт. Марий Турек районысо Карлыган тӱвыра пӧрт пеленсе «Зардон» удмурт калык фольклор ансамбльым «Калык усталык дене Россий Федерацийын сулло коллективше» чап лӱм дене палемденыт.
