«Марий Эл ТВ»: Интервью с заместителем министра культуры, печати и по делам национальностей РМЭ Михаилом Матвеевым. «Актуальное интервью» с Лирой Матвеевой.

«Марий йомак йолгорно» проектым Запорожский область Куйбышевский районлан пӧлеклаш ямдылат. Проектым Чарла Кремль да тӱвыра поянлыкым аклыме шотышто мер ушем Культурный инциативе шотышто президент фонд полшымо дене пырля ыштеныт. 2022 да 2023 ийлаште тиде куснылшо ончер Йошкар-Оласе школлаште да районлаште, тӱҥ шотышто школ, тоштер, книгагудо да каныме рӱдерлаште лийын.

Йӱкан да пушан сӱрет-влак. Т. Евсеев лӱмеш Калыкле тоштер социальный проект почеш «Трогательный мир марийской культуры» лӱман ончерым ямдыла. Тушко тоштерын шӧртньӧ фондшо гыч сӱрет коллекций пура. Брайыльын шрифтше дене возымо текст, йӱк, барельеф да аромокомпозиций дене пойдарыме ончер сокыр да начарын ужшо-влаклан ямдылалтеш. Инклюзивный ончер нерген кумданрак черетан сюжетыште.

Каныш кечылаште 13-14 январьыште Йошкар-Олаште ветеран-влак коклаште баскетбол дене турнир лийын. Тудым Марий Элын сулло тренерже Александр Олоничевым шарныме лӱмеш эртареныт. Тиде турнир йӱлашке пурен, тудо кажне гаяк ийын январь тӱҥалтыште эртаралтеш. Тений турнирышке ныл команде ушнен: Йошкар-Ола, Сыктывкар, Казань да Нижний Новгород гыч.

Верховный карт Марий Эл Александр Таныгин - 2024 по марийскому календарю - год Лебедя.

Пашаште сай лектышым ончыктышо да эртыше идалыкыште конкурслаште сеҥыше журналист-влакым чапландареныт. Кугу пайрем Российысе печать кече вашеш эртен. Газет, журнал, телевидений, радио, интернет да савыктыш пашаеҥ-влакын профессионал пайремышт журналист-влакым республикысе курчак театрыште чумырен. Кумданрак сюжетыште.

Москвасе ВДНХ-ште эртаралтше «Россия» тӱнямбал выставке-форумышто элнан 89 регионжо шке кугежнымашыже, сеҥымашыже дене кылдалтше ончер дене палдара. Мемнан съемочный группылан икмыняр регионын стендышкыже миен, нунын дене палыме лийын. Таче ме тыланда Мордовий Республикын стендше дене палдарена.

Районласе СМИ-ште тыршыше журналист-влакым Российысе журналист ушемын Марий Элысе пӧлкашкыже пурташ тӱҥалыт. Кундемыштына журналист-влакын ушемышт 1957 ийыштак шочын да тачысе кече марте чолган пашам ышта. Ий гыч ийыш тушко у еҥ-влак ушнат.

Тимофей Евсеев лӱмеш калыкле тоштерыште этнографий пӧлкам уэмден почаш ямдылалтыт. Кок тылзат пеле жапыште экспозиций койынак вашталтын. Тӱҥ шотышто тудо технический могырым пойдаралтын. «Тӱвыра» нацпроект кышкарыште экран, тач-панель, проектор, тул оборудованийым налыныт. Тидын деч посна залыште чыла диорамым уэмденыт. Манекен-влакым шотыш конден шогалтеныт, шеҥгел фонлан у сыным пуэныт. Залжат у тӱсым налын. Тошто фотографий-влакат этнографий залыште шке верыштым муыныт, нунат у шӱлышым налыныт да уна-влакым марий йӱла, тӱвыра дене палдарат.

Курымашлык лӱмгече дене! 2024 ийыште республикысе 6 район шке шочмо кечыжым палемдаш ямдылалтеш. 100 ий ончыч август тылзыште марий автоном областьыште 6 кантон, кызыт район маныт, шочын. Тыге, тений Морко, Звенигово, Марий Турек, У Торъял, Юрино да Оршанке район-влак лӱмгечыштым палемдат. Кумданрак сюжетыште.