По поручению руководителя региона были обобщены данные по всем муниципальным районам. А в ранее намеченные планы внесены определенные коррективы. О ситуации на сегодняшний день и принятых решениях - в нашем сюжете. 

Взаимодействие власти и общественности должно быть ориентировано на решение социальных проблем. В первую очередь в улучшении качества жизни нуждаются ветераны, в том числе участники боевых действий.  По данным регионального Минсоцразвития, на 1 июня в Марий Эл проживает 8621 ветеран.  

Многие из них уже успешно сдали экзамены, закрыли учебники и готовятся к поступлению в ВУЗы. По данным регионального Министерства образования и науки, в этом году 340 школьников республики получат медали «За особые успехи в учении». 

Число жертв на водных объектах Марий Эл за период аномально-жаркой погоды достигло 6 человек. Жители региона, спасаясь от зноя, массово выезжают на водоемы, выбирая зачастую для отдыха необорудованные места. Усугубляет ситуацию и алкоголь – это причина №1 гибели взрослых людей на воде.  

Муро почеш куштат, мурат, марий кочкышым сийлат да тӱрлӧ теме дене кылдалтше мутланымашке ушнат. Тиде чылажат этноблогер-влак нерген. Марий Элышке Российын тӱрлӧ регионлаж гыч чолга еҥ-влак погыненыт. Амалже – «Интеллектуал» увер рӱдер «Этноблогинг тайм» проектым илышыш шыҥдара. Идалык тӱҥалтыште проект Россий президентын грантшым сеҥен.   

«Ош тӱняшке толшо изи ньогалан могай лӱмым пуэт, пӱрымашыжат тугаяк лиеш». Тиде ушан ойлан калык моткоч чот ӱшана. Сандене тиде  йӱла илышыштына ик эн кугу верым айла. Поснак марий калыкын тӱняумылымашыштыже. Мо куандара: кызытсе саманыште марий ончылъеҥ-влак, поснак самырык еҥ-шамыч, шке икшывыштлан марий лӱмым пуашак тыршат. Тидын гана Аптулаевмыт ден Токтаровмыт еш-влак дене палдарена. Тений май тылзыште кок сылне ӱдыр – Эрвелина Аптулаева ден Элави Токтарова шочыныт. 

Шке 98 ийжылан ырес дене тӱрла, крючок дене пидеш. Морко поселкышто илыше сарын ветеранже Зоя Андреевна Доронина батальонын саниструкторжо лийын. Ятыр салтакым бой гыч луктын утарен коден. Тидлан 79 ият эртен. Но сар корно огеш мондалт. Кугешнымашым лукшо ветеран дене мемнан съемочный группына вашлийын. Морко поселко гыч мемнан материална. 

Йошкар-Олаште Изи Какшаныште вӱдын яндарлыкше лӱдыкшыдымӧ. Тидым специалист-влак пеҥгыдемдат. «Маргеомониторинг» предприятийын специалистше-влак вӱдым анализлан налыт, тудым химический да биологический элемент-влаклан тергат. Ий гыч ийышке республикыште эҥерлаште вӱдын качествыже саемеш.

Куженер районысо Йывансола тӱвыра пӧрт пеленсе калык лӱмым нумалше «Мурсескем» фольклор ансамбль шке усталыкшым вес регионышто ончыктен.  Архангельскыште тӱрлӧ калыкын тӱвыраже да йӱлаж дене палдарыше «Гармоничная Россия» фестиваль лийын. Тушто Башкортостан, Коми, Карелий, Удмурт республикла, Вологда область, Ненецкий автономный округ да Йӱдвел Осетий гыч усталык коллектив-влак мастарлыкыштым ончыктеныт. «Мурсескем» ансамбль Новодвинск олаште илыше-влакым сылне куштымаш, весела такмак-влак дене куандарен. Тиддеч посна коллектив вуйлатыше, Марий Эл тӱвыран сулло пашаеҥже Евгений Каменщиков шӱвырым шоктен, да калыкым ӧрыктарен.  

Куштылго атлетике дене элнан чемпионатыштыже Марий Эл гыч Людмила Лебедева 3-шо верым налын.  Таҥасымаш Чебоксарыште, «Олимпийский» стадионышто 22-27 июньышто лийын. Тушко элнан 71 регионжо гыч куштылго атлет-влак чумыргеныт. Марий ӱдыр 10 километр кужытан дистанцийыште вийжым терген. Палемдыме кутышым 33 минутат 17 тичмашат 88 луаш секундышто эртен. Икымше – Воронеж область гыч Светлана Аплачкина лийын, а 2-шо верыште – Новосибирск гыч Анна Викулова. Ик куржмаште 16 спортсмен лийын, нунын кокла гыч тўнямбал кӱкшытан 5 спорт мастер вийжым терген. Марий Элын командыже 10-шо верыш лектын.