Марий Эл гыч икмыняр предприятий «Армия 2020» кугу форумышто шке пашаже дене палдарен. Тиде Марий машиностроитель завод, Волжск электромеханике завод, «Ната-инфо» ден «Технотех», тыгак Юл кундемысе кугыжаныш технологий университет. Волжск электромеханике завод ден Юлтех медицине кӱлешлыклан роботизироватлыме электролулегым ыштен лукмо шотышто пырля шуктымо проектыштым ончыктеныт. Волжск электромеханике завод тыгак радиолокаций, радионавигаций да дистанционный управлений аппаратурылаже дене вес элласе уна-влакын кумылыштым савырен.
Комментариев: 0