Мобилизацийыш логалше амалкалче-влак шке пашаштым ӱшаныме еҥлан коден кертыт. Тыгак тыгай предпринматель-влак кредит каникулым налын кертыт. Тидын шотышто Российын Президентше Владимир Путин у кӱштыкыш шке кидпалыжым пыштен. Кызытсе Закон почеш армийыште улшо еҥ предприниматель лийын, бизнесым вӱден ок керт. Сандене мобилизацийыш логалмек, тудлан чыла петыраш але вуйлатыше радам гыч лекташ логалеш. Но у кӱштык почеш ынде амалкалче шке пашажым вес еҥ ӱмбак кусарен коден кертеш, тидлан мобилизацийыш логалше еҥлан ик арням пуат. Эше ик у вашталтыш: мобилизацийыш логалше амалкалче 2023-шо ий мучаш марте кредит каникул денат пайдаланен кертеш. Тыгай еҥ ваштареш исполнительный производство пашам тарватыме гын – тудым шӧраш сӧрат. Тыгак панкрутыш лекше гражданлан ынде – у банк счётымат почаш йӧным пуат. Ты марте банкротышто улшо еҥ нимоагй счётым почын кертын огыл.
Комментариев: 0